Bang bang kjúklingur/ Poke skál
Ótrúlega fljótleg og þægileg uppskrift þegar þú nennir ekki að elda og langar max að nota 30 mín í matvinnslu. Það skemmir ekki að hún er gjörsamlega geggjuð og ég held að þetta sé nýjasta uppskriftin á kvöldverðaplaninu hjá okkur mæðginum. Besta við þessa uppskrift er að þú notar bara það grænmeti sem þú átt til.
Ingredients
- 700 gr Kjúklingur Ég notaði einn bakka af bónuskjúlla
- 2 msk Ólifolía
- 0,5 msk sjávarsalt
- 1 tsk pipar
- 2 tsk hvítlauksduft
- 3 dl Hrísgrjón
- 100 gr avacado Ég kaupi frosin avacado sem ég affrysti í köldu vatni því ég læt ekki fersk avacado fara illa með mig lengur.
- 0,5 stk Rauð paprika
- 2 stk Vorlaukar
- 2 stk Gulrót
- 2 dl Mæjónes
- 2 msk Siraccha
- 2 msk Hunang
- 2 tsk Sítrónusafi Ferskur eða úr flösku (ég notaði bara úr flösku í þetta skiptið)
- 2 tsk Hvítlauksduft
- Skvetta Everything but bagel Ég kaupi þetta bara í bónus (ekki nauðsynlegt en skemmtilegt)
Instructions
Bang bang sósan
- Sullið saman mæjó, sirracha, hunangi, sítrónusafa og hvítlausdufti - og hrærið vel. Ég settti sósuna á brúsa en þúst, hún er jafn góð úr skál. Við höfum gert útfærslu af þessari sósu frá upphafi alheimsins og eigum hana eiginlega alltaf til inní ísskáp. Notum á vefjur með kjúkling og fleira. Hún klárast alltaf, því er upplagt að setja afgang í krukku inní ísskáp
Kjúklingur
- Setjið kjuklinginn í skál
- Setjið olíuna, saltið, pipar og hvítlauksduftið yfir kjuklingin og hrærið saman.
- Skellið í airfryer í 20 miná 200 ˚ (snúið eftir 10 mín). Vel hægt að setja á blástur í eldfast form á sama tíma og eins meðairfryer - snúa eftir 10 mín.
Hrísgrjón
- Skolið sterkjuna af grjónunum vel og vandlega í köldu vatni
- Eldið hrísgrjón eftir leiðbeiningum sem eiga við ykkar tegund. Við notum hrísgrjónapott og eina sem ég veit er að vatnið þarf að fljóta sem nemur einni fingurkjúku yfir grjónunum.
- setjið salt í pottinn og leggó.
Samsetning og grænmeti
- Ef þið notið frosið grænmeti þa er best að setja það í kalt vatn og lata þiðna. Þerrið bara vel þegar það er klárt.
- Skerið niður restina af grænmetinu. Ég notaði kartöfluskrælara f gulótina, skar vorlaukin langsum og í 2 cm lengjur. Papriku skar eg eins, skar í þunnar sneiðar og 2 cm lengjur
- Setjið grjónin nepst í skál þegar þau eru klar. Setjið kjúklingin í miðjuna a grjonunum og raðið grænmetinu smekklega (náttúrulega) í kringum kjúklinginn. Svo fer sósan yfir allt saman, gott er að byrja hóflega en þessi sósa er náttúrulega meistaraverk.
- Stráið everything but bagel kryddi yfir og njótið eins vel og þið getið.
Tried this recipe?Let us know how it was!